По околу шест месеци надвор од теренот, Нејмар се врати на терените на повеќе од убедлив начин. Напаѓачот на Пари Сен Жермен ги постигна првите два гола и му асистираше на Марко Асенсио за третиот во триумфот против Џонбук со 3-0 во пријателски меч во Бусан. Ова беше последен тест за Французите во претсезоната.
Поради тешка повреда и операција, бразилскиот ас немаше играно од февруари. Нејмар досега немаше минутажа ниту на летните тестови, но овојпат новиот менаџер Луис Енрике му даде шанса како стартер.
Стартер за ПСЖ беше 16-годишниот брат на Килијан Мбапе, Итан Мбапе, кој играше во средниот ред. Играше и Марко Верати, за кого ова најверојатно ќе биде последен натпревар за клубот, поради најавеното заминување во Ал-Хилал.
