Најдобриот фудбалер на Јужна Кореја, Хјонг – Мин Сон, ќе настапи на претстојното Светско првенство во Катар, потврди самиот на социјалните мрежи.
Сон заработи повреда на коската под окото на натпреварот од Лигата на шампионите против Марсеј, но напаѓачот на Тотенхем и понатаму е подготвен да и помогне на својата селекција на Мундијалот.
Имаше стравувања дека брзоногиот 30-годишен крилен напаѓач нема да закрепне доволно брзо по операцијата, но за среќа опоравувањето ќе биде краткотрајно.
Јужна Кореја на Мундијалот ќе игра во групата Х заедно со Португалија, Уругвај и со Гана.
