Лигата на шампионите е кремот на европскиот клупски фудбал. И фановите се навикнаа во самата завршница да ги гледаат најдобрите светски фудбалери, Кристијано Роналдо и Лионел Меси.
Во изминатите речиси две децении тие се незаменлив декор на големата фудбалска сцена.
Но, заврши и тоа време. Првпат по 2005 година, во четвртфиналето на Лигата на шампионите ќе ги нема двајцата, и Кристијано Роналдо и Лионел Меси. Јувентус доживеа непријатна елиминација од Порто, додека Барселона го заврши патот во осминафиналето откако налета на ПСЖ.
