Навивачите на Унион Берлин уште еднаш ја покажаа својата посветеност и уникатност.
Германскиот тим доживеа нов удар, синоќа во Лигата на шампионите загуби од Наполи на домашен терен со 0-1, што за Унион е деветти пораз во низа во сите натпреварувања.
Иако се очекуваше револт на навивачите и свирежи од трибините, сепак се случи нешто сосема спротивно.
Кога разочараните играчи тргнаа да ги поздрават навивачите, добија неверојатни зборови на поддршка и овации. Еден од водачите на навивачите гласно рече:
„Единственото нешто што треба да го чувствувате е гордоста. Загубивте од Наполи кој имаше еден удар кон противничкиот гол, ајде да продолжиме понатаму! Го живееме нашиот сон во Лигата на шампионите”.
