НАСТАН НА ГОДИНАТА – Македонија на Европско! (ФОТО)

Гордост, емоции, солзи радосници…Да не ти се верува. Македонија на Европско првенство во фудбал. Некогаш само сонувавме. Во 2021 година го доживеавме.

Чекавме цели 30 години. Си раскажувавме за почетоците, за првиот историски меч во Крањ. Од јуни 2021 година, Македонија има нова фудбалска историја.

Игравме против Австрија, Украина и против Холандија. Гордо, храбро, одважно.

Трите порази не ја засенија големата слика. Фудбалската репрезентација на Македонија беше дел од елитата на Стариот континент.