Наполи бадијала победи на „Сан Сиро“ против Милан кога веќе во следното коло, вечерва, загуби во Неапол од Специја со 0-1. Хуан Жесус си постигна автогол во 37.минута, а „наполитанците“ не успеаја да одговорат до крајот на мечот. Елиф Елмас доби шанса во 78.минута на местото на Станислав Лоботка, но неговиот тим мораше да се помири со пораз. Елмас беше блиску до погодок, но ја погоди гредата од противничкиот гол.
Милан го искористи поразот на Наполи и славеше со 2-4 на гости против Емполи и повторно е на втората позиција со 42 бода.
Франк Кеси беше двоен стрелец за „росонерите“, а погодија и Алесандро Флоренци и Тео Хернандез. За Емполи стрелаа Бајрами и Пинамонти.
Лидерот Интер претходно го совлада Торино со 1-0, со голот на Дензел Дамфрис.
