Наполи продолжува да „гази“ во Серија А. Најнова жртва е Рома која синоќа падна на „Олимпико“ со голот на Виктор Осимен.
Голот на Нигериецот донесе триумф (0-1) со кој овој тим на Наполи, чиј член е македонскиот репрезентативец Елиф Елмас, го израмни рекордот на тимот што го постигна најдобриот фудбалер во историјата на клубот, Диего Марадона.
Наполи стигна до 11. последовна победа, а тоа на клубот од Неапол му успеало само еднаш во историјата откако победуваше се по ред од април до септември 1986 година.
До крајот на таа сезона (1986/87), тимот предводен од Диего Марадона ја освои првата титула на клубот и всушност се закити со двојна круна. Дали и оваа сезона ќе биде шампионска за Елиф Елмас и соиграчите?
