Наполи ја оствари својата петта победа во Серија А оваа сезона и ја зацврсти лидерската позиција на табелата со вкупно 16 бодови. Екипата на Антонио Конте славеше на домашен терен со победа од 3-1 против Комо.
Скот Мектоминеј донесе предност за Наполи со гол уште во првите 27 секунди од мечот. Комо успеа да израмни благодарение на погодокот на Габриел Стрефеца во 43. минута.
Сепак, Наполи не дозволи да загуби бодови на својот стадион. Ромелу Лукаку реализираше пенал во 53. минута за повторно водство, а триумфот го осигура Давид Нерес со својот прв гол во италијанскиот шампионат.
