Барселона беше во страшен налет, но дојде во Сан Себастијан и загуби. За првпат оваа сезона машината на Ханси Флик не испорача ништо, не успеа да постигне гол, а во таква ситуација и тешко можат да се освојат бодови против Реал Сосиедад. Домаќинот славеше со 1-0 и оствари голем триумф над лидерот во Ла Лига.
Стрелец на победничкиот гол беше Шералдо Бекер во 33.минута, на асистенција на Лука Сучиќ.
Барселона сега има шест бода предност пред Реал Мадрид, кој има еден одигран натпревар помалку, одложениот меч со Валенсија.
