Најталентираниот фудбалер на Манчестер Јунајтед, Коби Мејно, планира да ја одбие понудата за нов договор со клубот. Поради ова, Манчестер Јунајтед наводно размислува за продажба на Мејно, кој се проценува на 55 милиони евра, но клубот сѐ уште верува дека има можност за договор со подобрени услови.
Челси будно ја следи ситуацијата и веднаш ќе реагира доколку младиот и талентиран играч за врска одлучи да замине од „Олд Трафорд“.
Мејно е продукт на школата на Манчестер Јунајтед, а оваа сезона има 25 настапи, постигнат гол и асистенција. Во последно време има проблеми со повреда. Мејно има десет настапи за Англија, а Челси го посакуваше и минатото лето.
Мејно се смета за еден од најголемите таленти во Европа.
