Голгетерот на Баерн Минхен, Роберт Левандовски, утре ќе биде стартер во последното коло од Бундес – лигата против Волфсбург, иако неговата иднина во клубот останува нејасна откако преговорите за нов договор се во ќорсокак.
Полскиот интернационалец има договор со Баерн до 2023 година, но германските медиуми открија дека Полјакот не сака да го продолжи договорот, што ја прави поголема веројатноста за разделба многу голема. Клубот на крајот на сезоната ќе мора да го продаде затоа што следното лето би заминал како слободен агент.
„Роберт тренира многу добро во последните два дена, а исто така постигна неколку добри голови на тренинзите“, изјави тренерот на баварскиот тим, Џулијан Нагелсман.
„Тој утре ќе биде стартер. Што се однесува до иднината, позицијата на клубот е позната, мојот став е познат и ситуацијата со договорот е позната до 31 јуни 2023 година. За ова прашање нема да коментирам ништо друго. Можете да контактирате со раководството на клубот или да го прашате Роберт“, додаде Нагелсман.
