Нагелсман е новиот селектор на Германија: Ова е огромен предизвик за мене

Џулијан Нагелсман е новиот селектор на Германија. Тој ќе го наследи Ханси Флик, кој доби отказ по поразот на пријателскиот меч од Јапонија.

Ова ќе биде прва работа за Нагелсман по отказот од Баерн во март. Тој за девет месеци ќе ја води Германија на Европското првенство на кое земјата ќе биде домаќин.

„Тоа е нешто посебно, нешто што се случува на секои неколку децении. Ова е голем предизвик, но имав огромна желба да ја преземам репрезентацијата. Ќе дадам сѐ од себе за да постигнам добар резултат”, изјави Нагелсман, чии помошници ќе да бидат Сандро Вагнер и Бенџамин Глик.

Нагелсман потпиша десетмесечен договор и според него ќе заработи околу четири милиони евра.

На клупата на Германија ќе дебитира на 14 октомври на пријателскиот натпревар против САД.
Младиот тренер со Баерн ја освои Бундес-лигата и два Суперкупа, а со Лајпциг освои еден Куп.