Далма, ќерката на легендарниот ас Диего Марадона, обвини дека Наполи не и дозволил да влезе на стадионот што го носи името на нејзиниот татко, за потребите на документарен филм што се снима токму за големиот Диего.
Диего Армандо Марадона почина на 25 ноември минатата година, а Наполи изрази почит кон својата легенда именувајќи го стадионот според фудбалската икона.
„Неверојатно ми е тоа што не можам да влезам на стадионот кој го носи името на мојот татко“, изјави Далма Марадона за „Ла Република“.
Ќерката на Марадона пристигнала во Неапол за снимање на документарец за нејзиниот татко, но градот не и дозволил да влезе на стадионот овие денови. Таа би можела да добие дозвола за влез дури на 22. декември, но таа има закажано лет за враќање во Аргентина пред тој датум.
