Португалскиот стратег Жозе Мурињо сака да ја реновира одбраната на Рома за новата сезона и покажува сериозен интерес за дефанзивецот на Баерн Минхен, Џером Боатенг. Тој ова лето ќе го напушти баварскиот клуб со оглед дека му заврши договорот со клубот.
Мурињо смета дека Боатенг може да го донесе неопходното искуство и квалитет во составот на Рома, но ќе треба да реагира побрзо од Монако. Францускиот клуб исто така го сака Боатенг во своите редови за претстојната сезона.
32-годишниот дефанзивец е отворен за сите понуди и не би имал против да соработува со Мурињо и да го облече дресот на Рома.
