Македонскиот прволигаш Гостивар ќе има нов тренер, откако се раздели со Муарем Муарем. Тој и официјално се заблагодари за соработката со досегашниот клуб, во очекување на нови предизвици.
„Последен клуб во мојата 16-годишна фудбалска кариера и клуб во кој работен како главен тренер, ФК Гостивар, со заедничка донесена одлука ставивме крај на оваа соработка. Во сезоните 2023/24 и 2024/25 во одиграни 21 натпревар, имавме 11 победи и 10 нерешени мечеви. За овие резултати сакам да упатам голема благодарност до фудбалерите и секогаш нашите верни навивачи. Благодарност за укажаната доверба од целиот тренерски стаф до нашиот претседател и целиот клупски персонал“, објави Муарем Муарем.
