Му „пукна филмот“ на Роналдо на меч во Саудиска Арабија (ВИДЕО)

makfudbal
22-02-2025

Ал-Етифак приреди изненадување и славеше против Ал-Наср на Кристијано Роналдо со 3-2 во првенството на Саудиска Арабија, со што се чини дека го сруши сонот на Ал-Наср за титулата.

Сепак, мечот ќе остане запаметен по реакцијата на Кристијано Роналдо во самиот финиш. Во 92. минута, неговиот соиграч Џон Дуран, кој неодамна пристигна од Астон Вила, доби црвен картон.

Изнервиран од случувањата, Роналдо ја шутна топката кон трибините и влезе во расправија со судијата, што остави силен белег на мечот.