Шпанскиот напаѓач Алваро Мората ќе остане во Јувентус и следната сезона. Италијанскиот клуб за него ќе плати 10 милиони евра за едногодишна позајмица, а според клаузулата во договорот ќе може и комплетно да го откупи доколку во јануари 2022 година плати 35 милиони евра на Атлетико Мадрид.
Диего Симеоне има други планови за нападот, сака да го купи Лаутаро Мартинез од Интер, а и доколку не успее, сепак, ќе му дозволи на Мората да остане во Италија. Го има Луис Суарез и за следната сезона и Мората реално во овој момент е вишок доколку се врати на „Ванда Метрополитано“.
