Менаџерот на англискиот премиерлигаш Вест Хем, Дејвид Мојес, е на чекор до потпишување нов договор со лондонскиот клуб. Шкотскиот статег треба да потпише нов тригодишен договор со Вест Хем.
„Чеканите“ имаа успешна сезоната во Премиер – лигата, а раководството како награда сака веднаш да ја продолжи соработката со предводникот на тимот.
Вест Хем под водство на Мојес долго време сезонава беше во трката за место во Лигата на шампионите, а пред неделното последното коло е шестопласиран и со бод од мечот против Саутемптон на домашен терен ќе обезбеди пласман во групната фаза во Лига Европа.
