Барселона победи кај Реал Мадрид со 0-1 со автоголот на Едгар Милитао во првиот полуфинален натпревар од Копа дел Реј. Хрватскиот интернационалец Лука Модриќ, кој одигра 84 минути за „кралевите“, вели дека Барселона победила на неверојатно среќен начин.
„Штета е… Создадовме многу шанси, но не можевме да ги искористиме. Игравме добро, но не бевме прецизни пред голот. Штета што не успеавме да реализираме барем една шанса во гол и да заминеме во Барселона со реми. Но, ние сме мирни и одиме таму за да победиме“, изјави Модриќ.
„Барселона победи, но ние бевме подобри. Верувам во мојот тим, можеме да победиме во реваншот и да се пласираме во финалето“, истакна фудбалерот од средниот ред на Реал Мадрид.
