Стартен состав: Милевски со офанзивен тим тргнува по победа против Лихтенштајн

Победата е единствената цел што ќе значи успешно завршена работа на денешниот натпревар на Македонија против аутсајдерот Лихтенштајн. Селекторот Благоја Милевски го одреди стартниот состав и нареди офанзива.

На голот е незаменливиот Столе Димитриевски, а во одбраната ќе играат Илиевски, Стојчевски, Зајков и Алиоски.

Средниот ред ќе го предводат Чурлинов, Алими, Барди и Елмас, поголем дел од нив се играчи со офанзивни карактеристики кои треба да донесат креативност во играта, а во нападот се Бојан Миовски и Александар Трајковски.

Лихтенштајн ќе настапи во формација 5-3-2, што јасно покажува дека ќе играат дефанзивно.