Младaта фудбалска репрезентација на Македонија до 21 година денеска во 17 часот на стадионот „Петар Милошевски“ во Битола ќе ја пречека селекцијата на Ерменија, во третото коло од квалификациите за Европското првенство.
По двата порази од Полска и Италија, избраниците на селекторот Горан Станиќ ќе се дадат сѐ од себе да стигнат до првиот позитивен резултат.
„Нѐ очекуваат два тешки натпревари против Ерменија и Црна Гора. Максимално сме фокусирани и подготвени за претстојните предизвици. Се надевам дека ќе ги исполниме сите барања на селекторот и стручниот штаб и ќе оствариме позитивен резултат. На претходните два квалификациски меча, и покрај поразите, мислам дека не одигравме лошо. Имавме добри моменти и создадовме неколку сериозни шанси за погодок, но ни недостигаше повеќе концентрација во завршницата. Свесни сме каде погрешивме и верувам дека ќе ги поправиме грешките веќе на денешниот натпревар против Ерменија“, изјави Теодор Николовски, фудбалерот од средниот ред.
По ова, младата селекција на Македонија патува за Црна Гора каде ја очекува следниот квалификациски предизвик.
