По поразот од Вардар во баражот за пополнување на Првата лига и испаѓањето во второлигашко друштво, Мирсад Јонуз заминува од ФК Скопје. Тој нема да биде веќе тренер на тимот од „Автокоманда“.
Дојде со цел да помогне за опстанок, успеа да стигне до позиција која водеше во бараж, но ФК Скопје загуби со 3-0 од Вардар во мечот за влез во елитата што се одигра вчера на Градскиот стадион во Кавадарци.
