МАКФУДБАЛ на Малта,
Фудбалската репрезентација на Македонија собра четири бода во овој септемвриски мини циклус и сега е израмнета бодовно со Италија и со Украина. Но, повторно ќе следат дуелите со силните селекции во октомври и во ноември.
Напаѓачот Бојан Миовски вели дека Македонија ќе мора да земе и некој „голем скалп“ ако сака да оди на Европско првенство.
„Секогаш кога ќе се даде рано гол со ваков противник е одлично. Натпреварот се отвори во петтата минута. Потоа сè беше рутински, заминавме со 2-0 на полувреме. Останавме со ист пристап до крајот на натпреварот, знаејќи дека резултатот е опасен. Имавме неколку шанси во финишот и за трет гол, ама во глобала сме задоволни со резултатот и трите бода. Сега имаме исто бодови со Украина и со Италија. Ако сакаме да одиме на Европско првенство, реално, ќе мора да се победат и големите репрезентации“, изјави Миовски.
