Бојан Миовски, напаѓачот на унгарскиот клуб МТК, доби дебитантски повик во А-репрезентацијата на Македонија за претстојните квалификациски натпревари за СП во Катар, кои се играат на почетокот на септември. Ова го потврди клубот МТК.
Почнува ерата на Благоја Милевски како селектор на националниот тим, на 29 август тој ќе го има првиот собир со репрезентативците. Најголемите промени се очекуваат токму во навалната линија, со оглед дека по Европското првенство од репрезентацијата се простија Горан Пандев, Иван Тричковски и Крсте Велкоски.
Репрезентацијата на Македонија на 2. септември ќе игра дома против Ерменија, три дена подоцна ќе гостува на Исланд, а на 8.септември на домашен терен следи натпреварот против Романија.
