Македонија славеше убедлива победа (0-4) над Лихтенштајн во Вадуц, а првите минути за А-тимот ги одигра напаѓачот Бојан Миовски. Имаше две одлични шанси за погодок, но голманот на Лихтенштајн го спречи да стигне веднаш и до погодок. Сепак, најважно е што Македонија оствари триумф, а в понеделник следи дуелот против големиот фаворит Германија во Скопје.
„Да се биде дел од националниот тим е гордост. Како и за сите млади луѓе, чест ми е што дебитирав и мислам дека во иднина ќе ја оправдам довербата на селекторот Благоја Милевски. Знаевме дека ќе ни биде полесно против Лихтенштајн штом еднаш ќе ги отвориме. Постигнавме навреме прв гол и потоа стигнавме до убедлив триумф. Што се однесува до следниот меч, секој фудбалер ужива да игра против Германија. Мислам дека нема да не потценат, посебно по победата на Македонија на првиот меч. Со поддршка со публиката, мислам дека можеме да им дадеме голем отпор“, изјави дебитантот во националниот тим, Бојан Миовски.
