Најтрофејниот македонски клуб Вардар в недела ќе игра бараж за пласман во елитата против ФК Скопје, а во пресрет на најважниот меч оваа сезона фудбалерите ќе добијат финансиска инјекција. Таа доаѓа од Општина Кисела Вода, која одлучи да исплати еден милион денари на вардарци, како помош во тешките мигови за клубот.
Средствата директно треба да бидат префрлени на сметките на фудбалерите и на членовите на стручниот штаб, како еден вид мотивација во пресрет на баражот со ФК Скопје.
Фудбалерите на Вардар речиси цела сезона играа без редовни плати и на крајот завршија на третата позиција во второлигашката конкуренција.
