Селекторот на фудбалската репрезентација на Македонија, Благоја Милевски, утре ќе има соочување со членовите на Управниот одбор на ФФМ. Седницата на УО е закажана за 13 часот, а на дневен ред секако ќе биде анализата на резултатите од јунскиот квалификациски циклус, но и најновата информација од синоќа, дека капитенот Стефан Ристовски не е во добри односи со селекторот и порача дека нема да игра сѐ додека е тој на кормилото на националниот тим.
Атмосферата околу репрезентацијата секако не е најдобра, со оглед на поразот од Украина дома (2-3) и дебаклот од Англија (7-0) на гости.
Македонија на 9. септември ја очекува натпревар против Италија во Скопје, а три дена подоцна и гостински меч против Малта, во септемврискиот прозорец од квалификациите за ЕВРО 2024.
