Италијанскиот калчолигаш Милан се соочи со голем удар во одбраната поради повредата на Симон Кјаер и веднаш тргна во потрага по нов централен дефанзивец. Данецот ќе ја пропушти целата сезона, па раководството на „росонерите“ мора да пронајде соодветно решение како негова замена.
И се чини дека ќе направи добар потег. Милан сака да го доведе дефанзивецот на Барселона, Самуел Умтити. Тој е закован на клупата на Барселона, не игра и добро би му дошла преселба на „Сан Сиро“, каде ќе може да ја оживее кариерата.
Единствен проблем може да претставува големата плата што Умтити ја заработува во Барселона. Тој и досега одбиваше да замине затоа што во друг клуб ќе мора да се сложи на одредено намалување на платата.
