Милан со луд пресврт дојде до победа од 3-2 против Верона на домашен терен во деветтото коло од Серија А. Гостите од Верона дојдоа до водство уште во раните минути од натпреварот преку Капрари, а агонијата на “росонерите” продолжи, кога во 24. минута во шеснаесетникот на Милан беше соборен Калиниќ.
Судијата досуди пенал за Верона, а Барак беше прецизен од белата точка, за водство на “жолто-сините” од неверојатни 0-2. Тимот на Милан замина на паузата со негатива, која се мислеше дека е недостижна. По речиси еден час игра, Леао со одличен центар-шут го пронајде Жиру, кој намали на 2-1 и им даде крилја на “росонерите”.
Понесени од намаленото водство на Верона, Милан продолжи да напаѓа, па како резултат на тоа, освои и удар од белата точка, благодарение на Кастиљехо. Кеси успешно стрелаше за изедначување од 2-2, а тоа беше најава дека тимот на Тудор може комплетно да падне.
Се покажа дека Верона веќе не може да ги издржи силните напади на Милан, па во 77. минута, при еден центар-шут на Кастиљехо, Гунтер несмасно ја зафати топката, која заврши во мрежата на неговиот чувар.
Благодарение на оваа победа, екипата на Стефано Пиоли моментално се искачи на првото место на табелата со 22 бода.
