Спортскиот директор на Милан, Игли Таре, ги демантираше информациите дека Виктор Бонифејс бил подложен на дополнителни лекарски прегледи, но призна дека клубот сè уште се двоуми дали да го финализира трансферот на напаѓачот од Баер Леверкузен поради неговите претходни повреди.
„Не се направени дополнителни медицински прегледи. Знаеме дека во минатото имал физички проблеми, па затоа сè проценуваме според планот во однос на здравствената состојба и кондицијата на играчот. Неговите квалитети се неспорни, само се обидуваме да ја донесеме вистинската одлука во оваа ситуација. Секако, затворањето на преодниот рок се приближува. Ќе разговараме со тренерот и ќе донесеме конечна одлука. Не се ставаме под притисок со одредување на конечен рок,“ изјави Таре за „ДАЗН“.
Милан доживеа шокантен пораз (1-2) од Кремонезе на „Сан Сиро“ на стартот на сезоната во Серија А.
