Еден од најдобрите играчи на Милан, репрезентативецот Брегот на Слоновата Коска, Франк Кеси е на чекор до Барселона, а Милан веќе бара замена. Според италијанските медиуми, „росонерите“ на лето би можеле да го ангажираат играчот од средниот ред на Хофенхајм, Флоријан Грилич.
Австрискиот фудбалер беше блиску до Рома во зимскиот преоден рок, но тој трансфер пропадна, а интерес за 26-годишниот Австриец покажаа уште двајца великани од Италија, Интер и Јувентус.
Договорот на Грилич со Хофенхајм истекува на крајот на сезоната, а голема е веројатноста дека нема да го продолжи и ќе се пресели во Италија.
