Белгискиот интернационалец Дивок Ориџи сака поголема минутажа и поради тоа е подготвен да го напушти Ливерпул во зимскиот преоден рок. Тој би можел да се пресели во Серија А, а за него се заинтересирани калчолигашите Милан и Аталанта.
Двата клуба сакаат да ја засилат навалната линија во трката за „скудетото“, а Ориџи би бил одлична инвестиција.
Дивок Ориџи има 26 години, а во Ливерпул дојде од Лил во 2014 година за 12 милиони евра. Оваа сезона на десет натпревари за клубот од „Енфилд“ постигна пет гола, а договорот со овој клуб му истекува на лето.
