Италијанскиот калчолигаш Милан му понуди можност за нова соработка на Франк Кеси, но понудата сериозно заостанува зад сумите што може да ги одвојат Пари Сен Жермен и Тотенхем, кои исто така покажуваат голем интерес за негов ангажман. Интернационалецот од Брегот на Слоновата Коска е важна алка во системот на Стефано Пиоли, но раководството на клубот не може да му понуди повеќе од 6,5 милиони евра по сезона. Тоа не е конкурентно во однос на барањата на Франк Кеси за годишна плата од 9 милиони евра.
ПСЖ и Тотенхем би можеле да ги задоволат финансиските желби на Франк Кеси, а тој би можел да го напушти „Сан Сиро“ како слободен агент следното лето. Според италијанските медиуми, ставот на Паоло Малдини е дека Милан веќе ја понудил максималната плата во текот на преговорите.
Франк Кеси веќе од јануари би можел да води преговори со другите заинтересирани клубови и да се подготвува за летно заминување од Милано.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski