Како гром од ведро небо, медиумите на Островот ја пренесуваат веста дека Месут Озил на лето се враќа во Англија, но во Чемпионшип.
Хал Сити имал разговори со Озил и неговиот агент и подготвен е да му понуди едногодишен договор до летото 2023 година, со можност за продолжување на уште една година.
Озил пред неколку дена беше исфрлен од тимот на Фенербахче по конфликтот со тренерот Исмаил Картал, кој беше незадоволен од неговите настапи и тврди дека е физички неподготвен.
Озил ги одигра најдобрите натпревари во дресот на Реал Мадрид, имаше неколку добри сезони, потоа мина шест години во Арсенал – и исчезна од сцената. Тој воопшто не играше пред да го напушти клубот, а за жал слични работи му се случуваат и во Фенербахче.
