Аргентинската ѕвезда Лионел Меси нема да биде подготвен за утрешното гостување на ПСЖ против Бордо во националниот шампионат. Тој има проблеми со болки во мускулите, но исто така и со левото колено, па замина на детални прегледи во една од најпознатите клиники во Мадрид.
Претходно, Нејмар ја мина истата процедура во оваа клиника и тоа даде многу позитивни резултати. Во ПСЖ се надеваат дека Меси брзо ќе се опорави и ќе се врати во тимот.
Аргентинецот го пропушти и мечот против Лајпциг (2-2) во Лигата на шампионите.
