Аргентинската ѕвезда и фудбалер на Пари Сен Жермен, Лионел Меси, потпиша договор вреден повеќе од 20 милиони долари за промовирање на Socios.com, компанија за крипто-фан токени. Така, Меси им се придружи на другите спортски ѕвезди во крипто светот по НФЛ ѕвездата, Том Брејди и „кралот“ во НБА, Леброн Џејмс.
Договорот на Меси за „амбасадор“ не вклучува крипто плаќања и ќе трае три години.
„Сосиос“ има потпишано договори, вклучително и создавање токени, за повеќе од 130 спортски организации, вклучително и голем број врвни фудбалски клубови како ПСЖ, Барселона, Јувентус и Манчестер Сити.
Навивачките токени се еден вид криптовалута што им овозможува на сопствениците да гласаат за претежно помали одлуки поврзани со нивните клубови.
