Лионел Меси ја покажа „Златната топка“, Донарума се пофали дека е најдобар светски голман, но тоа не ги импресионираше фудбалерите на Ница кои успеаја да одолеат на „Паркот на принцовите“ и ремизираа без голови. Тимот на Маурисио Покетино имаше доминација, создаде и неколку шанси, но Меси и пред се Мбапе немаа свој ден кога е реализацијата во прашање.
Пари Сен Жермен сепак има голема бодовна предност на врвот на табелата. „Светците“ досега освоија 41 бод, а Олимпик Марсеј кој е второпласиран, има 29.
