Интер Мајами ќе одигра два пријателски натпревари во Саудиска Арабија на почетокот на следната година, вклучително и против тимот на Кристијано Роналдо, Ал-Наср, објави клубот.
Натпреварите ќе бидат дел од турнирот во Ријад кој е дел од првата меѓународна турнеја на Интер Мајами, која вклучува застанувања во Ел Салвадор и Хонг Конг.
Во Ријад на стадионот „Кингдом Арена“, тимот на Интер Мајами најпрво ќе се соочи со Ал-Хилал на Бразилецот Нејмар на 29 јануари, а потоа е средбата меѓу Меси и Роналдо на 1 февруари.
„Ова е уште една огромна можност да се создаде траен однос со страстните навивачи“, изјави главниот бизнис директор на американскиот клуб, Хавиер Асенси.
„Возбудени сме што доаѓаме до нови навивачи во Саудиска Арабија и се надеваме дека луѓето од целиот свет ќе следат вакви натпревари од соништата како овие“, додаде Асенси.
