Барселона оствари минимална победа над Леванте (1-0) и сега со 17 бода се приближува кон горниот дел од табелата. Лионел Меси беше стрелец на победничкиот гол за каталонскиот тим во 76.минута по проигрување од Френки де Јонг. Со овој гол, Меси стигна до бројката од 642 во дресот на Барса и го израмни рекордот на Пеле за најмногу постигнати голови за еден клуб.
Аитор Фернандез, голманот на Леванте, беше фантастичен, бранеше се што беше упатено кон неговиот гол, но не можеше да го скроти и прецизниот удар на Лионел Меси.
Енис Барди не настапи за Леванте на оваа средба, тој е повреден и нема да игра до крајот на 2020 година.
