Аргентина синоќа на „Маракана“ го победи Бразил со 1-0 во финалето на Копа Америка и со тоа стигна до првата титула по 1993 година.
Единствениот гол го постигна Анхел Ди Марија по катастрофалната реакција на бразилската одбрана, а Лионел Меси го освои првиот трофеј со Аргентина во кариерата.
Веднаш по завршувањето на натпреварот започна големо славје на Аргентинците. Во еден момент Меси забележа како поминува расплаканиот Нејмар и веднаш отиде во негова прегратка. Меси долго време го тешеше својот поранешен соиграч од Барселона кој не можеше да ги сокрие солзите поради загубата на финалето на домашен терен.
