Големата фудбалска ѕвезда Лионел Меси ќе се врати во својот матичен клуб Њуелс Олд Бојс во декември, пренесуваат аргентинските медиуми.
Меси донел одлука да не го продолжи договорот со Интер Мајами, и покрај очекувањата дека ќе остане барем уште една сезона во МЛС лигата.
36-годишниот Аргентинец планира да ја заврши кариерата во клубот каде што ја започна својата фудбалска приказна. Тој го напушти Њуелс Олд Бојс како младинец за да се приклучи на Барселона, а сега, по две децении и светска титула, се подготвува за емотивен крај на блескавата кариера.
Меси пристигна во Интер Мајами во 2023 година, и неговото влијание врз клубот и американската лига беше огромно, носејќи глобално внимание и значително зголемување на популарноста на МЛС лигата.
Се очекува во наредните месеци официјално да биде потврден трансферот и времето на неговото збогување со професионалниот фудбал.
