Аргентинската ѕвезда Лионел Меси ја покажа својата класа за Интер Мајами во победата од 2-1 над Порто, во натпревар од Светското клупско првенство. Во 54. минута, Меси маестрално погоди од слободен удар, обезбедувајќи пресврт и триумф за својот тим против португалскиот гигант.
Порто прв дојде до водство уште во осмата минута, кога Саму Омородион реализираше пенал. Сепак, тимот од Мајами значително ја подобри играта во второто полувреме. Теласко Сеговија израмни во 47. минута, а потоа следуваше моментот на Меси, кој со својот гол донесе победа за Интер Мајами.
Палмеирас го совлада Ал-Ахли со 2-0. Мечот беше привремено прекинат поради невреме и грмотевици, но беше доигран до крај.
