Фудбалерот на Манчестер Сити, Бењамин Менди, е ослободен од едно од осумте обвиненија за силување, поради недостиг на докази, соопшти денеска судот во Честер.
Кообвинетиот Луис Саха Матури исто така беше ослободен од две точки од обвинението за силување и сексуален напад. Настаните наводно се случиле во јули и август минатата година.
На францускиот дефанзивец, кој е суспендиран на една година од неговиот матичен клуб, му се суди од август во Честер и се уште е обвинет за седум точки за силување, еден обид за силување и една точка за сексуален напад.
Саха Матури, кој нема врска со поранешниот фудбалер Луис Саха, се уште е обвинет за шест точки за силување и три точки за сексуален напад.
И двајцата ги негираа обвиненијата од почетокот на судењето.
Менди (28), кој со Франција го освои златото на Светското првенство во 2018 година, помина повеќе од четири месеци во истражен затвор, од август минатата година до почетокот на оваа година.
Тој беше под судски надзор до почетокот на судењето.
Менди се пресели во тимот од Манчестер во 2017 година за 52 милиони фунти.
