Мбапе славеше роденден, а соиграчите го „провоцираат“ со подарокот од ПСЖ (ФОТО)

Францускиот ас Килијан Мбапе синоќа го прослави 23. роденден, направи голема журка, а соиграчите му донесоа интересен подарок. Дрес од Пари Сен Жермен на кој беше означена 2050 година. Тоа беше провокација дека посакуваат да остане на „Паркот на принцовите“ до крајот на кариерата.

Мбапе е еден од најпосакуваните напаѓачи во светот, влезе во последната година од договорот и на почетокот на 2022 година ќе може да преговара со заинтересираните клубови. Јавна тајна е дека тој има џентлеменски договор со Реал Мадрид и негова голема желба е од почетокот на следната сезона да го носи „кралскиот“ дрес.