Ѕвездата на Пари Сен Жермен, Килијан Мбапе, верува дека неговата огромна самодоверба му помогнала да стане играчот каков што е денес.
„Секогаш кога одам на теренот, си велам себеси дека сум најдобар, а сепак имам играно на ист терен со Меси и Роналдо. Тие се подобри фудбалери од мене. Но, во мојата глава, секогаш си велам дека јас сум најдобриот“, изјави напаѓачот во интервју за француските медиуми.
„Луѓето не го разбираат егото, но кога не се чувствувате добро, никој нема да дојде и да ви каже дека се ќе помине и дека вие го можете тоа. Останувате само вие и вашиот начин на размислување. Сами сте, мора да се убедите дека сте способни да направите големи работи во животот.”
