Ѕвездата на Пари Сен Жермен, Килијан Мбапе, сериозно ја преиспитува својата долгорочна иднина во тимот, пренесува францускиот „Л’Екип“. Напаѓачот потпиша нов договор со парижаните минатото лето, а првичните информации велеа дека тој е на три години.
Сепак, подоцна стана јасно дека само првите две сезони беа задолжителни, а последната трета година е дополнителна, со дополнителна согласност на играчот. Токму за ова размислува Мбапе кој има рок до 31 јули да даде одговор на раководството дали ќе прифати соработка и за трета сезона во договорот или подобро кажано сака да замине летото 2024 година.
Евентуалното одбивање би го ставило ПСЖ во тешка ситуација и би се соочиле со можноста да ја пуштат својата ѕвезда, само една година откако тој потпиша нов договор.
Реал Мадрид продолжува да важи за апсолутен фаворит за идниот клуб на Мбапе.
