Напаѓачот на Реал Мадрид, Килијан Мбапе, е отпуштен од болница поради акутен гастроентерит, поради кој го пропушти првиот меч на неговиот тим на Светското клупско првенство.
Во официјалното соопштение на клубот се вели:
„Килијан Мбапе беше отпуштен од болница и се врати во тренинг-центарот на Реал Мадрид. Ќе продолжи со специјализиран медицински третман и постепено ќе се враќа на целосни тренинзи.“
Францускиот ас не настапи во натпреварот против Ал-Хилал, кој заврши 1-1, а според извори од клубот, Мбапе бил изолиран од остатокот на тимот уште од вторник, пред да биде хоспитализиран во средата.
И покрај подобрувањето на неговата состојба, не се очекува Мбапе да настапи во групната фаза од натпреварувањето. Тренерот Чаби Алонсо изјави дека неговиот настап во дуелот против мексиканскиот Пачука во недела (во Шарлот, Северна Каролина) е „под знак прашалник“.
