Фудбалерите на Реал Мадрид со многу труд успеаја да извојуваат победа на домашен терен против Рајо Валјекано во натпревар од 27. коло на шпанската Ла Лига.
Домаќините поведоа во 30. минута со гол на Килијан Мбапе, а само четири минути подоцна Винисиус Жуниор го зголеми водството на 2-0. Сепак, гостите не се предадоа и во судиското надополнување на првиот дел, Алваро Гарсија Диаз намали на 2-1.
Во второто полувреме, „кралевите“ успеаја да ја одржат предноста и да го приведат мечот до крај, освојувајќи важни три бода. Сега Реал Мадрид има идентичен број бодови (57) како и Барселона, која има еден одигран натпревар помалку.
