За две седмици Килијан Мбапе ќе може слободно да води преговари со заинтересираните клубови околу својата иднина, а се чини дека Пари Сен Жермен и дефинитивно ќе го загуби. Реал Мадрид е неговата желба и тоа јасно го потенцираше во последната изјава.
„Парите не ми се најважни, дури и ако тоа е многу важно затоа што имаме семејства за кои треба да се грижиме. За мене искуството е поважно, копнеам да откривам нови места, да патувам, да запознавам различни луѓе и култури“, рече Мбапе.
Тоа е јасна порака за ПСЖ дека нема да успее да го задржи. Претседателот Насер Ал Келаифи и спортскиот директор Леонардо се обидоа да го натераат Мбапе да ја преиспита одлуката, но тој не покажува знаци дека сака да остане во Франција.
