Напаѓачот на Пари Сен Жермен, Килијан Мбапе за малку ќе потпишел за Лајпциг како младински играч во 2015 година, од школата на Монако. Ралф Рангник објасни дека како тогашен спортски директор на Лајпциг, отпатувал во Париз за да се сретне со семејството на Мбапе, бидејќи бил убеден дека Французинот одговара на стилот на игра на клубот.
Германецот објасни дека таткото на Мбапе му рекол дека доколку самиот директор стане тренер,без проблем ќе му дозволи на неговиот син да замине во Лајпциг. Со оглед на тоа што Рангник седна на тренерското столче на германскиот клуб само шест месеци подоцна, Мбапе во меѓувреме требаше да потпише професионален договор со Монако.
Жерар Улие, тогашен советник на Ред Бул, исто така се обидел да го убеди напаѓачот да се приклучи. За самиот играч, сепак, изгледите за трансфер во Лајпциг никогаш не биле приоритет, со оглед на интересот од Ливерпул, Манчестер Јунајтед, ПСЖ, Манчестер Сити и Челси.
